---

– እግዚኦ ሰላምከ ሀባ ለሀገር ወጽድቀከኒ ለቤተክርስቲያን፤ አግርር ፀራ ታህተ እገሪሃ እቀብ ህዝባ ወሃይማኖታ ለሃገሪትነ ኢትዮጵያ፡፡

•••

ውድ ጓደኞቼ ሆይ !! የላካችሁልኝና በየ እርሻው፣ በየመንገዱ የወዳደቁ የወንድሞቼን አስከሬኖች በሙሉ አየሁ። ተመለከትኩም። አዘንኩ፣ አለቀስኩም። ከጦርነት የሚጠበቀውም ይሄው ነው። የሚገርመው እና የሚደንቀው ግን እኒህን ምስኪን ታጣቂዎች ወደ ውጊያ የላከው አካል ጫፉ አይነካም። የቴዎሮስን ሞት እንኳ አይሞቱም። ፈሪ ናቸው። በመጨረሻም ካረፉበት ሆቴል ሳይወጡ፣ ከሞቀ ቤቱም ሳይንቀሳቀስ፣ ከሚስቱ ጋር አሸሼ ገዳዬ ሲል  ነው መጨረሻ ላይ በቁጥጥር ስር ዋለ የሚል ዜና የሚሠራለት። ከዚያ አዲስ አበባ በአውሮጵላን ወይ በኢሊኮፍተር ዘና ብሎ ይመጣል። ከዚያ ፍርድ ቤት ቀርቦ ይሟገታል። እንደ አብዲ ኢሌ ዘና ብሎ ፈታ ብሎ ይኖራል። ከዚያ ወይ ይፈረድበታል። አልያም በዋስ ወይም በምህረት ይፈታል። የሚጎዳው ግን ምስኪኑ ነው። ደሙ ደመ ከልብ ሆኖ የሚቀረው ግን ምስኪኑ ነው። የምትጎዳው እናት ናት። ሚስትና ልጆቹ ናቸው። አዎ ጉዳቱ እዚያ ላይ ነው።

•••

የህወሓት ሹማምንቶች ሆይ እባካችሁ እናንተ የማትሳተፉበትን ጦርነት አትምሩ። ህጻናትን ለውጊያ አትመልምሉ። ነውረኞች ሆይ የእናንተን ልጆች አሜሪካና አውሮጳ አንደላቃችሁ እያኖራችሁ በሰው ልጆች በንጹሐን ህይወት በምስኪኑ ገበሬ ልጅ ነፍስ  አትቀልዱ። እጃችሁን ስጡና ሃገር ትረፍ።

•••

ህወሓት ሆይ የምትዋጊው ከዐቢይ አሕመድ ጋር አይደለም። የምትዋጊው ከኢትዮጵያ ጋር መሆኑን እወቂ። ከኢትዮጵያ ጋር ተዋግቶ ያሸነፈ ደግሞ የለም። ትደቂያለሽ፣ ትወጊያለሽ፣ እናም ውጊያውን አቁሚና እጅሽን ስጪ። ብዙ የጎዳሻቸው፣ ያቆሰልሻቸው፣ ያረድሽ ያሳረድሻቸው፣ ቂም የያዙብሽ ሚሊዮኖች አሉ። እናም መቃብር እስክትወርጂ አይፋቱሽምና በጊዜ እጅሽን ስጪና ነገሩን አብርጂ። ራያ፣ ወልቃይት፣ ፀገዴ ምናምን ያንቺ ያልሆነውን ምድር ሁሉ በጊዜ መልሺ። መልቀቅሽ ላይቀር በጊዜ ልቀቂ። ሰውም አይለቅ። ንብረትም አይውደም። ለትውልድም አስቢ። ይሄ ምክሬ ነው።

•••

አስታውሺ ጋዳፊን አስታውሺ፣ ሳዳም ሁሴንን አስታውሺ። አስታውሺ ፈርኦንን፣ ናቡከደነጾርን አስታውሺ። ኢትዮጵያን በድለሻል፣ አሳዝነሻል፣ አስለቅሰሻል። ቤተሰብ በትነሻል። በዘር በጎጥ ከፋፍለሻል፣ ቤተሰብ በትነሻል። በክልል በረት ውስጥ አስረሽ ፍዳ መከራ ሃገር ምድሩን አብልተሻል። እናም በሌላው የፈሰሰው ደም ይብቃ። ትግራይን በደም አበላ አታጥምቂ። እኔ ከሞትኩ ሰርዶ አይብቀል ማለትሽን ተዪ። እጅሽን ስጪ።

•••

የትግራይ አክቲቪስቶች እረፉ። የተለየ ሃገር ተቀምጣችሁ በባዶ ሜዳ አትፎክሩ። ህዝብ አታስጨርሱ። ትእቢት ነው ወሬ ፉከራ አቁሙ። ከቻላችሁ ራሳችሁ ገብታችሁ ተዋጉ። ራሱን መግቦ ማደር የማይችል ምስኪን ህዝብ በጦርነት አትማግዱ። በባዶ ሆዱ አታዋጉት። የትግሬ ኩራቱ ኢትዮጵያዊነቱ ነው። እናም ተፋቱት። ኢትዮጵያዊነቱን መልሱለት። የኢትዮጵያ ጠላት፣ ኢትዮጵያ ላይ ተቀምጦ ኢትዮጵያን ተሰደበ፣ የተራገመ፣ የሸጠ፣ የለወጠ፣ ያሳዘነ፣ ያስከፋ፣ ያዋረደ፣ አንገት ያስደፋ፣ የሰረቃት፣ ያስለቀሳት ሁሉ ዋጋውን ያገኛል። የጊዜ ጉዳይ ነው እንጂ ዋጋውን ያገኛል። እያያችሁትም ነው።

•••

አስታውሱ እግዚአብሔር እናንተ ህወሓቶችን፣ እረኛና የገበሬ ጦረኞችን የሆናችሁትን አስነስቶ ግዙፉንና እግዚአብሔር የለሹን የደርግ ከሃዲ ሠራዊት ቀጣው። እሱ ትምህርት ሊሆናችሁ ሲገባ በተራችሁ ጠገባችሁ፣ ጎረራችሁ፣ በምድር ላይ ማን ይችለናል አላችሁ። ያዙኝ ልቀቁኝ አላችሁ። ወበራችሁ። ረከሳችሁ። ትዕቢታችሁ ጣሪያ ነካ። እግዚአብሔር አያችሁ፣ ተመለከታችሁ። እንዳስነሣችሁ ሊያስቀምጣችሁም ፈለገ።

•••

ቄሮን እያስጮኸ ብዙ ለመናችሁ። እምቢ ስትሉ ፋኖን አስነስቶ ውቃቢያችሁን፣ ቆሌያችሁን ገፈፈው። እንዴት መቀሌ እንደተደበቃችሁ ሳታውቁት ራሳችሁን መቀሌ አገኛችሁት። ፉከራችሁ፣ ቀረርቶአችሁን ሁሉ ውኃ በላው። እናም ከዚህ መማር ሲገባችሁ አሁንም ትፎክራላችሁ። እንዴት ሰው ከእናቱ ጋር ጦር ልግጠም ይላል? ይሄ እብደት ነው።

•••

መብራት ከኢትዮጵያ እየሄደልህ፣ እህል ከዐማራ እየተጫነልህ፣ ስልኩ፣ ኢንተርኔቱ ቋቱ አዲስ አበባ ሆኖ እንዴት ነው የተሰወረባችሁ? አውሮጵላን ከኢትዮጵያ፣ ወደብ የላችሁ። ከኤርትራ፣ ከዐማራ ተናክሳችሁ። ከዐፋር ተቧቅሳችሁ እንዴት ትችሉታላችሁ? ለትግራይ ህዝብ ጠላት አታብዙበት። ምስኪኑን ህዝብ በእናንተ ነውርና ጥጋብ አታስፈጁት። ምክሬ ነው።

•••

•••

¶ ድልና ትንሣኤ ለኢትዮጵያ ሀገሬና ለተዋሕዶ ሃይማኖታችን ! ውድቀትና ጥፋት፤ ለሁለቱም ጠላቶች። አራት ነጥብ።

• ይህንንም ራሴው በእጄ ጻፍኩት። +49 1521 5070996 ደግሞ የቴሌግራም፣ የቫይበር፣ የኢሞና የኋትስአፕ መልእክቶችን የምቀበልበት የእጅ ስልኬ ነው።

• ኢትዮጵያ ግን ታሸንፋለች፣ ትነሣለችም። ይኸው ነው።

• ደኅና እደሩልኝ  !!

•••

ሻሎም !   ሰላም !

ጥቅምት 25/2013 ዓም

ከራየን ወንዝ ማዶ።