>
11:42 pm - Monday January 18, 2021

እና ጎሜዝ  ስለ እነ እስክንድር ነጋ ዶ/ር አብይን ተማጸኑ ታምሩ ገዳ/ህብር ራዲዮ)

እና ጎሜዝ  ስለ እነ እስክንድር ነጋ ዶ/ር አብይን ተማጸኑ

ታምሩ ገዳ/ህብር ራዲዮ)

በምርጫ 97 ላይ የአውሮፓ ህብረት የታዛቢ ቡድንን የመሩት ፣የምርጫውንም  ነጻ እና ገለልተኛ ያለመሆኑን  በቅድሚያ ያጋለጡት አና ጎሜዝ “የአሸባሪነት ክስ” የተመሰረተበት የባልድራስ ለእውነተኛ ዲሞክራሲ ፓርቲ መስራች እና ሊቀመንበር የሆነው  እስክንድር ነጋ እንዲፈታ ጥሪ  አቀረቡ ።
በህብረቱ ውስጥ እኤአ ከ2004 እስከ 2019  ያገለገሉት  የቀድሞዋ የህዝብ እንደራሴ አና  ጎሜዝ በወዳጆች መረብ ትዊተር ገጻቸው ላይ በሰፈሩት አጭር  የተማጽኖ ማስታወሻ”እስክንድር ነጋ ዳግም  በኢትዮጵያ ውስጥ እንዲፈታ መወትወታችን በእጅጉ ያማል፣ያሳዝናል።ጠ/ሚ/ር አብይ  አህመድ ሆይ እባክዎትን እስክንድር ነጋን ነጻ ያውጡት ፣ዜጎችን በህገወጥ መንገድ በጅምላ  የማሰሩ እርምጃም ይቁም” ሲሉ ተማጽነዋል።
በበርካታ ኢትዮጵያኖች ዘንድ “ሀና ጎበዜ ” በሚል የሙገሳ ስም የሚታወቁት ፖርቱጋላዊቷ  አና ጎሜዝ  በኢትዮጵያ ጉዳይ   በተለይ በሰብአዊ መብት ጥሰት ዙሪያ በግንባር ቀደምትነት ሲሞግቱ እና  አቋማቸውን በግልጽ በእየመድረኩ ላይ ሲያሳውቁ ከነበሩ ጥቂት ምእራባዊያን ባለስልጣናት መካከል አንዷ እንደነበሩ እና ይህም አቋማቸው በቀድሞው የህውሃት/ኢህአዲግ አገዛዝ ለከፍተኛ የፕሮፓጋንዳ ዘመቻ እና ሰለባነት እንደተዳረጉ እና የቀድሞው ጠ/ሚ/ር አቶ መለስ ዜናዊ ሳይቀሩ በኢትዮጵያ ሄራልድ ጋዜጣ ላይ  በቀጥታ እንደ ወረፏቸው ይታወሳል።
(
……………………………..
This is so painful! So sad we need to use the hashtag #FreeEskinder again in #Ethiopia today. Please, 
@abyi
@PMEthiopia
@AbiyAhmedAli
 liberate Eskinder Nega & stop jailing people unlawfully.
Filed in: Amharic