---

 

.*     *      *

(ከአድማጭ ያጣ ጩኸት – መፅሐፋቸው)

.

.

ችጋር የሰው ልጅ እንደ ማገዶ እንጨት ተለብልቦ የሚያልቅበትና ቀባሪ እንኳን የማያገኝበት የውርደት ሞት ነው ። የሰው ልጅ ውርደት ነው ። የሕብረተሰብ ውርደት ነው ። የአገር ውርደት ነው ። አስቡት ቁራሽ እንጀራ ወይም እፍኝ ቆሎ የሚሰጥ ዘመድ ፣ ወይም ወዳጅ ፣ ወይም ወገን ጠፍቶ ለነፍሱም ይሁን በሰብአዊ ርሕራሄ ተነሳስቶ ፣ የሚረዳ ጠፍቶ  በሺና በመቶ ሺህ የሚቆጠሩ ሰዎች በየቤታቸው ፣ በየመንገዱና በየገበያው የሚወድቁበት ሁኔታ ነው ።

.

ችጋር የሚመጣው በድርቅ ፣ ወይም በተምችና ሌሎች የተባይ ሰብሎች ወይም በዝናብ ብዛትና በበረዶ ወይም እግዚአብሔር በመቆጣቱ ፣ ወይም በነዚህ ሁሉ ነው ይባላል ። እነዚህ ሁሉ ምክንያቶች የሚደረደሩት ሆን ተብሎ ኃላፊነቱ በማንም ላይ እንዳያርፍ ለማድረግ ነው ። ሁሉም ከእውነቱ የራቀ ነው ። እውነቱ ነገር እነዚህ ሁሉ የተፈጥሮ ችግሮች ቡብዙ አገሮች ይከሰታሉ ። ሆኖም በዚህ ምክንያት ሰዎች በችጋር አለማለቃቸው ነው ። እውነቱ ችጋር የአገዛዝ ሥርአት ውጤት መሆኑ ነው ። እውነቱ ነገር ችጋር ኅብረተሰብ በአገዛዝ ስርአት ደንዝዞና በራሱ የኑሮ ትግል ተተብትቦ የመተሳሰብና የመረዳዳት መንፈሱ የተሟጠጠ መሆኑ ነው ። እውነቱ ነገር ችጋር የሚጀምረው የድርቅ ወቅት ከመድረሱ በጣም በጣም ቀድሞ መሆኑ ነው ።  ……… “