---

( አለቅሳለሁ )  በዕንባዬ መኝታየን አርሳለሁ ።” /መዝ 6*6/

ይህ ከጸጸትና ለመመለስ ከመጓጓት የመነጨ የዳዊት የንስሐ እንባ ነው ። የሚያነባው ከኃጢአቱ ነጽቶ አዲስ ሰው ስለመሆኑ ነበር ። መልሰኝ እጠበኝ እያለ ወደ ጌታ ጮኸ…

         “አቤቱ እንደቸርነትህ መጠን ማረኝ እንደምህረትህም  ብዛት መተላለፌን ደምስስ ። ከበደሌ ፈጽሞ እጠበኝ ከኃጢአቴም አንጻኝ እኔ መተላለፌን አውቃለሁና …./

           መዝ 50/

✍ ነገር ግን ዛሬ እውነተኛው መንገድ ሳይገባቸው ትክክለኛውን ጸጸት ሳያውቁት መሳሳታቸውንም ሳያምኑ በልማድ ብቻ ንስሐ ንስሐ የሚሉ ብዙዎች ናቸው ። በቅድሚያ በኃጢአት ካላፈርንበት በበደላችን ካልተጸጸትንበት ቀጣዩ መንገድ አይቀናም ።

ደግሞም ከልብ ያልመነጨ በቃል ደረጃ ብቻ የተነገረ ከንቱ ፌዝ ይሆናል ። አንተ ግን የትናንትና ሥራህን መለስ ብለህ ስታስተውል በሚሰማህ ከውስጥህ በሚመነጨው እውነተኛ ጸጸት የንስሐ መንገድን ጀምር ።

ከጸጸት ጋር የነገን ሕይወት የመቀየር ቁርጠኝነትም ከአንተ ይጠበቃል ። ለንስሐ የሚያስፈልገው ጸጸት   የትናንቱን ሕይወት_እየረገሙ_ለመኖር_ብቻ_ሳይሆን ነገን በተሻለ መሰረት ላይ ጥሎ ከጌታ ጋር ለመኖር የሚያስችል መሆን አለበት ።

☞ ንስሐ ያለፈውን የኃጢአት ክንብንብ ማውለቂያና ወደ ኃጢአት የሚያመሩ ምዕራፎችን ሁሉ መዝጊያ ነው ። ምክንያቱም ንስሐ አንድ ያላዋጣን ኮንትራት መዝጋትና ሌላን ደግሞ እንደሞመከር ያለ ሳይሆን ያለውን ሁሉ ጥሎ አዲስ ሕይወት መጀመር ነው ።

ከኃጢአት ጋር የተገናኝ የትኛውም ውል ይፈርስበታል ። ከእግዚአብሔር ጋር የሚለያይ የጸብ ግርግዳ ነውና በንስሓ ይፈራርሳል ። በንስሐ በመመለሥ ዳግም የመንፈስ ቅዱስ ማደሪያ የእግዚአብሔር ቤት መሆን እነዴት ደስ  ያሰኛል ።

ንስሓ የአንተና የካህን ግንኙነት ብቻ ሳይሆን የአንተና የእግዚአብሔር ግንኙነት ዳግም መታደስ እንደሆነም ተረዳ። ኢያሱ አካንን ይናገረው የነበረውን ነገር ተመልከት ።

             “ኢያሱ አካንን ፦ ልጄ ሆይ ለእስራኤል አምላክ

              ለእግዚአብሔር ክብር ስጥ ለእረሱም ተናዘዝ

              ያደረከውንም ንገረኝ አትሸሽገኝ አለው ።”

              ኢያ, ም 7 ቁ .19

የሥርየት ኃጢአት በካህኑ አንደበት ከእግዚአብሔር ታገኛለህ ። ከንሰሓ አባትህ ጋር ስለ ኃጢአትህ ብሎም በንስሐ ሥለመመለስህ ስትነጋገር እግዚአብሔርም በዚያ አለ ። አንድ ነገር ልብ በል ። በአጠገብህ እግዚአብሔር እንዳለ ዘንግተህ ኃጢአትህን ሸሽገህ ከፊሉን ብቻ ብትናዘዝ ልታገኝ የምትችለው ትልቅ ዋጋ እንዳመለጠህና አሁንም ክፋ ነቀርሳ በውስጥህ ተቀብሮ እንደቀረ አትርሳ ።

እግዚአብሔር ከአንተ ጋር ነውና አትፍራ መጽ ኢያ.1

ምንጭ ከብጹዕነታቸው ከአቡነ ሺኖዳ ፫