>
12:41 am - Wednesday December 2, 2020

ውሃ ሲወስድ እያሳሳቀ ነው! (ኤርሚያስ ለገሰ ዋቅጅራ)

ውሃ ሲወስድ እያሳሳቀ ነው!

ኤርሚያስ ለገሰ ዋቅጅራ

•በተደጋጋሚ ስጋታችንን እንደገለጥነው የትግራይ ነፃ አውጪ ፓርቲ (ትህነግ) ባስቀመጠችው እቅድ መሰረት እየሔደች ነው። 

 

 1. የተፈፀሙ እቅዶች

፪: – በትህነግ ፓሊት ቢሮ ምርጫ እንደሚካሄድ መወሰን…ወሰነ!
፩:- በትህነግ ማዕከላዊ ኮሚቴ ምርጫ እንዲካሄድ መወሰን…ወሰነ!
፫:- መቶ ፐርሰንት በትህነግ ካድሬዎች በተሞላው “የትግራይ ክልል ምክር ቤት(ፓርላማ)” ምርጫው እንዲካሄድ መወሰን…ወሰነ!
፬:- ከኦሮሞ ዘውጌ አክራሪ ብሔርተኞችና ተገንጣይ ድርጅቶች ድጋፍ ያሰባስባል…እያሰባሰበ ነው።

2. ቀጣይ ተግባራት፣

፭:- ለምርጫ ቦርድ ምርጫውን እንዲያስፈጽም ደብዳቤ መላክና በተጓዳኝ የትግራይ ክልል ምርጫ አስፈፃሚ ማደራጀት
፮:- የፌዴራል መንግስት ምርጫ ማካሄድ አትችሉም በማለት እርምጃዎች መውሰድ ሲጀምር ህውሓት የትግራይ ክልል ምክር ቤትን በአስቸኳይ ጠርቶ በህገ-መንግስቱ መሰረት የራስን እድል በራስ መወሰን( መገንጠል) በሙሉ ድምፅ ይወስናል።  ትህነግ የሚንቀሳቀሰው በሕገ-መንግስቱ መሰረት በመሆኑ የትኛውም የአገሪቱ ምድራዊ ህግ አይገታውም።
፯:- ፌዴራል መንግስቱ ትህነግ ምንም አያመጣም ብሎ ችላ ካለው ፤ ትህነግ የክልልና የፌዴራል 38 ወንበር ፓርላማ አባላት ምርጫ ያካሂዳል። ምን አልባትም ውጥረቱን ለማባባስ ከፊሉን የፌዴራል ፓርላማ አባላት አዳዲስ ሰዎችን ይመርጣል።

 3:- መፍትሔ

አንድ:– የመጣው አደጋ ወቅታዊ እና ተጨባጭ መሆኑን መገንዘብ
ሁለት:- የመጣው ወቅታዊና ተጨባጭ አደጋ በህገ-መንግስቱ መሰረት ይሂድ ከተባለ አገር የመበተን አቅም እንዳለው መገንዘብ። ስለዚህ ኢ-ሕገ መንግስታዊ በሆነ መንገድ ሄዶ መፍትሔ መፈለግ።
ሶስተኛ :- የመጀመሪያውና የቅድሚያ ቅድሚያ መፍትሔው ሕገ-መንግስቱን ማገድ ነው። ይህ ለጊዜው የማይቻልና ጊዜ የሚወስድ ከሆነ ህውሓት እና ኦነግን በፓርላማ በሽብርተኛ ድርጅትነት መፈረጅ።
Filed in: Amharic