የአፋን ኦሮሞ ትምህርት ለድርድር የሚቀርብ አይደለም!!! (የኦሮሚያ ክልል ምክትል ፕሬዚዳንት አቶ ሽመልስ አብዲሳ)

© ኄኖክ ኄኖክ

፩) ኦሮምኛ የፌደራል የሥራ ቋንቋ ከመሆኑ በፊት አማርኛ “ኦሮሚያ” የሚባለው ክልል ሁለተኛ የሥራ ቋንቋ መሆን ይኖርበታል።

፪) አማርኛ የፌዴራል መንግሥት የሥራ ቋንቋ የሆነው በአማራ ህዝብ ሰልፍና ፉከራ ሳይሆን በሁሉም ህዝቦች ሎጂካዊ ቅቡልነት ነው። በመሆኑም ኦሮምኛ የፌዴራሉ መንግሥት ተጨማሪ ቋንቋ ለመሆን ቢያንስ ኢትዮጵያዊያን በደንብ ሊያነቡት በሚችሉት የኢትዮጵያ ፊደል ተጽፎ በትምህርት እንዲሰጥ የቅድሚያ ቅድሚያ መሰራት አለበት።

፫) የቋንቋን ጉዳይ ፖለቲሳይዝ የማድረግን አስነዋሪ አካሄድ ለአንዴና ለመጨረሻ ጊዜ ለመግታት ሲባል ኦሮምኛን ብቻ ሳይሆን ሌሎች አምስትና ስድስት ቋንቋዎችን በመጨመር የፌዴራል ቋንቋ ማድረግ የግዴታ ይሆናል።

፬) አሁን ባለው የቁጩ ሕገመንግሥት አማርኛ የፌዴራል የሥራ ቋንቋ እንደሆነ በማያሻማ ቋንቋ አስቀምጧል። በመሆኑም ተጨማሪ ቋንቋ የፌዴራል መንግሥት ቋንቋ ለማድረግ ህገመንግስቱን የግድ ማሻሻል ይጠይቃል።