አዲስ አበባ ትናንት እንዳይኖራት የሴራ ፖለቲካው አንዱ አካል ሆኖ እየተሰራበት ነው!!! (ጋዜጠኛ በፍቃዱ አባይ)

በልማትና ኢንቨስትመንት ስም ታሪክ እንዳይኖራት እየተደረገች ያለችው አዲስ አበባ ሙሉ ለሙሉ በሚባል መልኩ ትናንትን እየተነጠቀች መጓዟን እንድትቀጥል እየተፈረደባት ነው።

ኢንቨስትመንት እና ልማት ታሪክን ጠብቆ መስራት የተከለከለ ይመስል ኢህአዴግ መራሹ አፍራሽ ሀይል አሁንም ለ91 አመታት በአዲስ የኖረውና የበርካቶች የህይወት ትዝታ ማሳያ ተደርጎ የሚነሳውና ከኢትዮ-ጅቡቲ የባቡር መስመር ጋ ጠንካራ ትስስር ያለው ብፌ ዳ ላጋር ታሪክ ሆኖ ሊቀር የሁለት ቀናት እድሜ ብቻ ቀርቶታል።

ከጥላሁን ገሰሰ እስከ ጎሳዬ ተስፋዬ ያዜሙበት ተወዳጁ ሆቴል ትኩረት እንዲደረግበት መረባረብ ይጠብቅብናል።በዚህ ረገድም የአዲስ አበባ ባህል ቱሪዝምና ኪነጥበብ ዋንኛ ሀላፊነት አለበት።ለቢሮው ሀላፊ ረ/ፕ/ር ስለ ሁኔታው ከትናንት ጅምሮ ስለ ሁኔቴው ጥቆማ ሰጥቻቸዋለሁ።እሳቸውም ሀላፊነታቸውን በመወጣት የበኩላቸውን ያደርጋሉ ብዬ አምናለሁ።

ሆቴሉ ታሪካዊ ስለመሆኑና በተገቢው ምዝገባ ባይደረግለት እንኳን ከጥፋት ታድጎ መስፈርቶቹን እንዲያሟሉ ማድረግ ቢሮው የሚጠበቅበት የቤት ስራ ነው።

ሁላችንም ለአዲስ አበባ ታሪካዊ ቅርሶች መጠበቅ በጋራ መጮኸና ኡስፈላጊውን ትኩረት እንዲያገኝ ማድረግ ስላለብን ሼር በማድረግ የነዋሪነት ግዴታችንን እንወጣ???