ጄነራል ሳሞራ " አማልዱኝ " እያለ ነው "ቆሎ እየቆረጠምንም ቢሆን በክብር እንኖራለን"

ጀኔራል ሳሞራ እነ ጀኔራል ተፈራ ማሞን “ምን ላድርግላቸው?” እያለ አማላጅ እየላከ መሆኑን በሰማሁ ጊዜ በዚሁ መዝገብ 9 አመት ተሰቃይተው ከወጡት መካከል አንደኛውን ስለ ጉዳዩ ጠይቄያቸው ነበር።

እንዲህ ነበር ያሉኝ!

“9 አመት ሙሉ ስንሰቃይ ዘወር ብሎ አላየንኝ። ብዙ ስቃይ ደርሶብናል። ቤተሰባችን ተብትኗል። አሁን ጊዜ ሲክደው ነው አማላጅ የሚልከው።  እኛ የታገልነው ለሕዝብ ነው። ለጥቅም ቢሆን እዛው ሆነን እናገኘው ነበር። ይህን ያህል ባልተሰቃየን ነበር። ወደዚህ ስንገባ የህይወት መስዋዕትነት እንደሚያስከፍልም አውቀን ነው። ይህን ሁሉ ስቃይ አይተናል። የሚያልፍ ጊዜያዊ ችግር ስለገጠመን እነሱ ጋር የምንሆን መስሏቸው ነው።  ቆሎ እየቆረጠምንም ቢሆን በክብር እንኖራለን። የገጠመን ችግር የሚያልፍና ጊዜያዊ ነው”

ጀኔራል ሳሞራ ግን ያሳሰራቸውን፣ ያን ያህል የተሰቃዩትን ሰዎች መለማመጥ የጀመረው ምን ቢገጥመው ነው?