>
9:10 pm - Wednesday February 21, 2018

መተባበር ወይስ መወዳደር? (ደረጀ ገረፋ ቱሉ)

ማንም መካድ በማይችል መልኩ ሀገሪቷ መስቀለኛ መንገድ ላይ ናት።ወይ ወደ ከፍታው መምዘግዘግ አልያም የቁልቁለት ጉዞውን ተያይዛ መስጠም ተመጣጣኝ እድል አላቸው። ሁለቱም መሆን የሚችሉ ነገሮች ናቸው።
ሀገሪቷን ወደ ከፍታ ለመውሰድ አሁን የሚያስፈልገው በትብብር መስራትን ነው።ይህ ትብብር ዘርፈ ብዙ ነው።
በትብብር የመወዳደሪያ ሜዳ ማዘጋጀት ያስፈልጋል።በትብብር ማን ይዳኛን የሚለውን መመለስ አለብን። በትብብር የፍትህ ተቋማት እና የዲሞክራሲ ተቋማትን መገንባት መቻል አለብን።በትብብር ነገን በእርግጠኝነት የተሻለ እንደምናደርግ መወያየት አለብን።ለመስመጥ መወዳደር የለብንም።የመውዳደሪያ ሜዳ ባሌለበት በቀጥታ ውድድር ውስጥ መግባት ለመስመጥ መንገድ ማመቻቸት ነው።በዳኛው ላይ ሳንስማማ ውድድር ውስጥ መግባት ለንትርክ በር መክፈት ነው።አሁን ዓለማችን ያለችበት አይደለም የጋራ ሀገር ለመገንባት ይቅር እና ተወዳዳር የንግድ ድርጅቶች እራሳቸው እየተወዳደሩ ይተባበራሉ።ስለዚህ ትብብር በገዥው ፓርቲ አባል ድርጅቶች መካከል በጣም አስፈላጊ ነው።ትብብር በተቀዋሚ ፓርቲ እና በገዥው ፓርቲ መካከል እጅግ አስፈላጊ ነው።የምንተባበረው አንዱ አንዱን ጥሎ ለማለፍ አይደለም።የምንተባበረው ለመሸዋወድ መሆን የለበትም።
የሚንተባበረው የተሻለ ሀገር ለመገንባት ነው።የምንተባበረው የተሻለን ነገን ለማየት ነው።አሁን የሚያዘንጥ አቅምም ሆነ ትርፍ ጊዜ የለንም።ኢትዮጵያ ውስጥ አርብ ህዝቡ ተቆጥቷል።ግዲያም ነበር።ቅዳሜ እና እሁድም የህዝብ ቁጣ እና ግድያ ነበር።ማክሰኞም ያው ነው።ንብረትም ወድሟል።

ይህ በዚህ ሁኔታ በለበት ሰዓት ላይ በስሜት ብቻ ተገፋፍተን የምናደርጋቸው ነገሮች በኃላ ለማጠፍ ማጠፊያው ያጥረናል።ህዝብ ተስፋ በመቁረጡ ብቻ ህዝብን ወደ ሜዳ መጋበዙ መዘዙ ብዙ ነው።ሜዳውን የሞላው እና መሳሪያ የታጠቀው ለማበድ አንድ ሀሙስ የቀረው ነው።ንብረት ለማዳን ህይዎት መቅጠፍ የዘወትር መዝሙር መሆኑን ማስቆም ካልቻልን ለቅሶ ማቆም አንችልም።በአጠቃላይ ከዓምስት ዓመት በፊት የነደፍነውን ስልት ይዘን ዛሬ ህዝብ ጋር መሄድ ከጥቅሙ ጉዳቱ ያመዝናል።የዛሬ አምስት ዓመት የነበሩት አጀንዳዎች በፍፁም ዛሬ የሉም።ዛሬ ላይ ህዝብን ወደ አደባባይ ማስወጣት እጅግ ቀላሉ ስራ ነው።

ዛሬ ከባዱ ስራ ህዝብን ማደራጀት ነው።ዛሬ ከባዱ ስራ ህዝብን ማረጋጋት ነው።ዛሬ ከባዱ ስራ የተነቃቃውን ህዝብ አደራጅቶ የተሻለ ሀገር መፍጠር ነው።ዛሬ ከባዱ ስራ ወደ አደባባይ የወጣውን ህዝብ መምራት እና የሚፈለገውን እና ህጋዊውን ነገር ብቻ አድርጎ በሰላም ወደ ቤቱ እንዲገባ ማድረግ ነው።ዛሬ ሌላ ቀን ነው።
ስለዚህ ወደ ህዝብ ጥር ከማስተላለፋችን በፊት ዛሬን በደንብ መረዳት የግድ ነው።ወደ ህዝብ ከመቅረባችን በፊት ትላንት ካነገብናቸው አጀንዳዎች expire ያላደረጉት የትኞቹ እንደሆኑ በደንብ መገምገም የግድ ነው።
ዛሬን ከትላንትናው ጋር አወዳድሮ ማየት እና ከትብብር እና ከውድድር ለህዝባችን የቱ እንሚ ሻል መምረጥ የኛ ድርሻ ነው።ዛሬ ላይ ከቡድን ጥቅም በላይ ከመስቀለኛ መንገዱ ወደ ከፍታ እና ቀጥታ መንገዱ ማን በተሻለ መልኩ ይወስደናል ብሎ ማሰብ የግድ ነው።

Filed in: Amharic