>
3:44 pm - Monday December 11, 0056

በህወሓት  አስገዳጅነት  የተወጣው የትግራይ  ህዝብ  ሰልፍ ደርግ ካስወጣን ሰልፍ ሲነጻጸር!!! (አሸብር  በቀለ)

በህወሓት  አስገዳጅነት  የተወጣው የትግራይ  ህዝብ  ሰልፍ ደርግ ካስወጣን ሰልፍ ሲነጻጸር!!!
አሸብር  በቀለ
√…  እድሜያችን  ሃምሳ  ውስጥ  የገባነው  ኢትዮጵያውያን  (ሁላችንም) የደርጉ አስተዳደር  ውጡና  ሻቢያንና  ወያኔን  ተቃውውሙ  ብሎን  በቀበሌ  ተገደን  የወጣንበትን  ቁጥር  ስፍር  የሌላቸው  ቀናትን  እናስታውሳለን  ።
√ … አሁን  በቅርቡ  ደግሞ  የትግራይ  ህዝብ  በህወሓት  ተገዶ  ወንድሞቹ  ኢትዮጵያውያን  ላይ  አምዖ  የተቃውሞ  ሰልፍ  ወጥቷል  ።
•••  በዛኛውም ሆነ በዚህኛው ሃይል ያለ ውዴታችን ልንሰለፍ  ተገደናል ሆኖም በኔ  አስተሳሰብ  የትግራይ  ህዝብ  ተገዶ  ወጣ  ቢባልም  … ይህንን  ሰልፍ  የትግራይ  ህዝብ  ወዶም  ሆነ  ተገዶ  ሊወጣ  ባልተገባው  ነበረ  እላለሁ  ።
………………………
 ••• ደርግን  በተመለከተ
***  በቀይ  ሽብርም  ሆነ  ሌሎች  ጥፋቶች  ብዙ  ወጣቶች  ፡  ዜጎች  ደማቸው  ያለአግባብ  በመፍሰሱ  ህዝባችን  ደርግ  ላይ  ቂም  ቋጥሮ  ነበረ  ።
***  በተለያዩ  ምክንያቶች  ጦርነቱ  ስለረዘመና  ስለተንዛዛ  የህዝቡ  በጦርነቱ  ሙሉ  አቅሙን  የማሳተፉ  ጉዳይ  ፈፅሞ  የማይታሰብ  ነበረ  ።
√√√ •••  ምንም  እንኳ  መሪያችን  ኮሎኔል  መንግስቱ  ኃ/ማርያም ከፊታችን  ሃገር  ሊያጠፋ  ታላቅ  እቅድ  አንግቦ  እየገሰገሰ  ያለ ከአንበጣ  መንጋ  የበዛ  ሰራዊት  እየመጣ  እንዳለ  ደጋግሞ  ቢያስታውቀንም  ከላይ በተጠቀሱት  ጥቂት  ምክንያቶች  የተነሳ  ህዝባችን  ህወሓትንና  ሻቢያን  ለመዋጋት  ወኔው  ፈፅሞ  ጠፍቶ  ነበረ  ።
ኮሎኔሉ  ከፊቱ  እየመጣ  ስላለው  አደጋ   የነገሩት ሁላ   እውነትነቱ  ለህዝባችን  ግልፅ  ብሎ  ቢታየው  ኖሮ  ።  ስለ  ሻብያና  ህወሓት  አውሬነት  በደንብ  ቢገባው  ኖሮ
ሀ/… ህዝባችን  ሰልፍ  በግዳጅ  ሳይሆን  በራሱ  አነሳሽነት  ቀን  በቀን  በወጣ  ነበር
ለ/…  መንግስቱ  ኃ/ማርያም  ሳይለምነው  ÷>  በጦር  በጎራዴ  ታንክ  የማረከው  ህዝባችን መሳሪያ  ቢያጣ  እንኳ  አካፋና  ዶማ  ይዞ  ሆ  !  ብሎ  ወጥቶ  ሻቢያንና  ወያኔን በቀበራቸው  ነበር  ።
አሁን  ብዙዎች  ያላዝናሉ  >>> ደርግ  በግዳጅ  ሰልፍ  አስወጣን  እያሉ  ።   እኛ  ነበርን  ደርግን  ማስገደድ  የነበረብን  ።   ሃገራችንን  አድንልን  እያልን  መጮህ  የነበረብን  ።  ያንን  ስላላደረግን  ግን  የደረሰውን  ፡   እየደረሰ  ያለውን  ፡  የአልምጥነታችንን  ውጤት  እያየነው  ነው  ።
ጥልቅ  የሆነ  ብሄራዊ  ወርደት
………………
√√√ •••  በህወሓት  አስገዳጅነት  የትግራይ  ህዝብ  ሰልፍ 
***  በ17  ዓመቱ  የነፃነት  ትግል  ወቅት  ከደርግ  ሰራዊት  ጋራ  ፊት  ለፊት  ከተደረገው  ፍጥጫ  ውጪ  የትግራይ  ልጆች  በ06  በሌሎች  በፅኑ  ማሰቃያ  ስፍራዎች  በብዛት  እንዳለቁ  ከራሳቸው  ከትግራውያን  በብዛት  ሰምተናል
***  ብዙዎች  የትግራይ  ወጣቶች የህወሓትን  እኩይነት  በመገንዘብ  ለምንም  አይነት  ነፃነት  አንዋጋም  ብለው  በማመፃቸው  ደማቸው  እንደ  ጅረት  እንደፈሰሰ  ታሪክ  አውርቶልናል  ትግራውያን  ወንድሞቻችንም  አጫውተውናል  ።
***  ደርግን  ለማሸነፍ  ሲል  ህወሓት  ብዙ  እኩይ  ስራዎችን  ፋብሪኬት  አድርጎ  ብዙ  ምስኪን  የትግራይ  ተወላጆችን  እንደጨረሰ  ትግራዮችም  እኛም  እናውቃለን  ።
***  ከነፃነትም  በኃላ  የትግራይ  ህዝብ  በህወሓት  መዳፍ  ውስጥ  በግላጭ  ገብቶ  ብዙ  በደል  እንደደረሰበት  ነው  የምንሰማው  ።
***  ከዛ  ውጪ  የትግራይ  ህዝብ  ለሺህ  ዘመናት  አብሮት  የኖሩት  ፡  በሌላ  ክልል  የሚኖሩ  ወንድምና  እህቶቹ  ከአብራኩ  በወጡት  እኩይ  ልጆቹ  እየደረሰባቸው  የነበረውን  የሚደርስባቸውን  ግፍ  በደል በደንብ  አድርጎ  አይቷል  ያውቃል  ።
***  አሁንም  በዘመነ  ዓቢይ  አህመድ  ከአብራኩ  የወጡት  ልጆቹ  ሃገሪቱ  ላይ  ቅጥ  የለሽ  ዝርፊያ  በማካሄድ ምን  ያህል  እንዳዋረዷት  ፡   ወደማትወጣበት  መቀመቅ  እንደሰደዷት  የትግራይ  ህዝብ  ጥንቅር  አድርጎ  ያውቃል  ።   በዚህም  ሊቆጨው  በተገባው  ነበረ  ።
እንግዲህ  ወደ  መደምደሚያው  እንምጣ
√√√ •••   በዘመነ  ደርግ  መላው  የኢትዮጵያ  ህዝብ  ህወሓትና  ሻቢያ  ማን  መሆናቸውን  በበቂ  ማስረጃ  አስደግፈው  ቢያስረዱትና  ቢያውቅ  ኖሮ  ሰልፍ  እንዲወጣ  ሊያስገድዱት  ባላስፈለገም  ነበረ  ።    ጦርነቱ  በአንድ  ቀን  ባለቀም  ነበረ  ።
√√√ •••  ወርቆቹ  ፡  ብሶት  የወለዳቸው  ፡  ተራራ  የሚያንቀጠቅጡት  የትግራይ  ልጆች  ህወሓትን
ሀ/… ካወላለዱ  ጀምሮ  ማን  እንደሆን  እያወቁት
ለ/… በ17  ዓመቱ  ግብግብ  ብዙ  ጉዳት  አድርሶባቸው  ሳለ
ሐ/… ስልጣን  ይዞም  በቀዬያቸው  አላኖርም  እያላቸው  ሳለ
መ/… ወንድሞቻቸው  የሆኑ  የሌሎች  ብሄሮች  ኢትዮጵያውያን  ላይ  ለማውራት  የሚቀፍ  የግፍ  መዓት  ማውረዱን  ማሰቃየቱን  ጃኖሳይድ  መፈፀሙን  እያወቁ  ሳለ
ሠ/ … ሀገሪቱን  እንጥፍጥፍ  አድርጎ  መዝረፍ  ማዘረፉን  እያወቁ  ሳለ
ህወሓት  አስገድዷቸውም  ይሁን  በውድ  ወንድሞቻቸውን  ኢትዮጵያውያንን  ተቃውመው  ሰላማዊ  ሰልፍ  መውጣት  አልነነረባቸውም  እላለሁ  ።
ይሄ  በበሉበት  ሰሃን  ላይ  መትፋት  ይባላል  ።
Filed in: Amharic