ጭንቅ አርግዘን ዘውዲቱ ሆስፒታል ተቀምጠናል (ታሪኩ ደሳለኝ)

ጋዜጠኛ ተመስገን ደሳለኝ ለዳግም እስር ከተዳረገ ዛሬ በስድስተኛው ቀን በህመሙ ምክኒያት ሆስፒታል ገብቶል።

 ትላንት ጋዜጠኛ ተመስገን ደሳለኝን ስጠይቀው አሁን ያለቡት የእስር ክፍል “ለሰው ሳይሆን ለበግ የሚሆን አይደለም” ብሎኝ ነበር። በሰአቱ ሆኔታው ሳየው  የጀርባውና የወገቡ  ህመም ክፍኛ  እንዳመመው ቢያስታውቅም ምንም እንዳልተፈጠረ  አደርጓ አዋርቶኝ ለጀርባ እና ለወገቡ ህመሙ የመጣሁትን ማስታገሻ መዳኒት ሰጥቼ ወደ ቤት ብመለስም ሃሳቤ ግን ተመስገን  ጋር ፖሊስ መመሪያ ነበር።

 ጠዋት እነ ተመስገነን አስጠርቼ ሲመጡ  የተመስገን ፊት ልክ እንዳልሆነ አስተዋልኩ። እነ አንዷለምም እጅጉን ታሞ ነው ያደረው አሉኝ። እነሱ አረጋገጡልኝ እንጂ ሁኔታው ያስታውቃል። ህክምና እደሚያስፈለገው ለመምሪያው ሀላፊዎች ለመናገር የመጣነውን ቁርስ ሰጥቻቸው ወጣሁ።

በዚህ ስአት በአራት ፖሊሶች ተጅቦ ንፋስ ስልክ ላፍቶ ክፍል ከተማ የወረዳ 8 እና 9 የሆነው ጤና ጣቢያ ተመስገንን ይዘን ደርስ። ጤና ጣቢያው ህክምናውን ለማድረግ ከሞከረ በኃላ የተመስገን ህመም ከአቅሜ በላይ ነው በማለት እሪፈር ለዘውዲቱ ሆስፒታል ፃፋ ተመስገንን ይዘን ወደ ዘውዲቱ ሆስፒታል ሄድን።

  ዘውዲቱ ሆስፒታል ከደረስን  ሰአታት ቢያልፈን የተመስገን ህክምና እስካውን አላለቀም እኛም ጭንቅ አርግዘን ዘውዲቱ ሆስፒታል እንገኛለን።

ከሰአት 9:03

መጋቢት 21/2010  ዓም

         ጎሳዬ ተፈራ

በዚህ በኩል ስንት ዋጋ የከፈሉትን የነፃነት ታጋዮች እያስበላን  በተፋፋመው  ትግል ላይ የፈላ ዘይት ደፍተን እንደሞላለት ሠው ስለ አብይ እናወራለን:: ባይገባን ነው እንጂ ለእነ አብይም እዚህ መድረስ የትግል እርሾዎቹ ከዘግናኝ የእስር ቆይታ በሁዋላ ከሠውነት ግብር ወጥተው ተፈቱ ተብለው አፍታም ሳይቆዩ ለዳግም እስር የተዳረጉት እነዚህ በዘመናት ሊተኩ የማይችሉ ብርቅዬ የቁርጥ ቀን ልጆች ናቸው:: አሁንም የአብይን ወሬ ቆም አድርገን ወደ አለመኖር እየተገፉ ስላሉት ጀግኖቻችን ላይ እንድንሠራ በእግዚአብሔር ሥም ለምናችሁአለሁ:: በሁዋላ ካመለጡን ይሄም የጉዋጉዋንለት ድልም ህልም ሆኖ ይቀራል::